وراثت کے بعض مسائل

قرآن مجید میں تقسیم ِ وراثت کی تفصیلات مذکور ہیں اور مستحقین ِ وراثت کے حصے بھی بیان کر دیے گئے ہیں۔ اللہ تعالیٰ کا ارشاد ہے

وَلَھُنَّ الرُّبُعُ مِمَّا تَرَكْتُمْ اِنْ لَّمْ يَكُنْ لَّكُمْ وَلَدٌ۝۰ۚ      (النساء۱۲)

’’اور عورتوں کو ایک چوتھائی ملے گا، اگر تمھاری کوئی اولاد نہ ہو۔‘‘

فَاِنْ كَانَتَا اثْنَـتَيْنِ فَلَہُمَا الثُّلُثٰنِ مِمَّا تَرَكَ۝۰ۭ      (النساء۱۷۶)

’’اگر میت کی وارث دو بہنیں ہوں تو وہ ترکے میں سے دو تہائی کی حق دار ہوں گی۔‘‘

اور رسول اللہ ﷺ کا ارشاد ہے

أَلْحِقُوا الفَرَائِضَ بِأَهْلِهَا، فَمَا بَقِی فَهُوَ لِأَوْلَى رَجُلٍ ذَكَرٍ

(بخاری ۶۷۳۷، مسلم۱۶۱۵)

’’وراثت اصحاب الفرائض کو دو، اس کے بعد جو بچے وہ قریب ترین مرد رشتے دار کا ہے۔‘‘

صورتِ مسئولہ میں بیوی کا حصہ چوتھائی(25%)اور دو بہنوں کا حصہ دو تہائی (66.7%)ہے۔ باقی (8.3%) چچا زاد بھائیوں کو ملے گا۔