مفتی: مولانا محمد رضی الاسلام ندوی

:آپ نے لکھا ہے کہ عورت عورتوں کی جماعت کی امامت کرسکتی ہے _، جب کہ علمائے احناف کا کہنا ہے کہ فقہ حنفی کا مفتیٰ بہ مسلک عدمِ جواز کا ہے ۔کوئی عورت حافظۂ قرآن ہو تو وہ تنہا تراویح کی نماز ادا کرتے ہوئے پورا قرآن پڑھ سکتی ہے، لیکن عورتوں کی جماعت کی امامت کرتے ہوئے قرآن نہیں سناسکتی، بلکہ عورتیں تنہا تنہا نماز پڑھیں ۔

جوں جوں ماہ رمضان المبارک قریب آرہا ہے، لوگوں کی بے چینی بڑھتی جارہی ہے۔ لاک ڈاؤن کی وجہ سے وہ نمازیں گھر پر پڑھ رہے ہیں ۔ اب انھیں فکر لاحق ہورہی ہے کہ رمضان میں تراویح کا کیا ہوگا؟ اب تک وہ ہرسال تراویح مسجد میں پڑھتے تھے ۔ کوئی حافظِ قرآن خوش الحانی کے ساتھ قراء ت کرتا تھا اور وہ اس کی اقتدا میں رمضان میں کم از کم ایک مرتبہ پورا قرآن نماز میں سن لیتے تھے۔الگ سے بھی حسبِ توفیق تلاوت کرتے تھے ۔ پورا قرآن ہر ایک کو یاد نہیں ۔اب یا تو روزانہ آخری دس سورتیں دو مرتبہ پڑھ لی جائیں گی، یا جتنا قرآن یاد ہو اسی پر اکتفا کیا جائے گا ۔یوں تو تراویح میں پورا قرآن ایک مرتبہ ختم کرنا ضروری نہیں ، لیکن اب تک کے معمول پر عمل نہ کرپانے کی وجہ سے لوگوں کو محرومی کا احساس بڑھ رہا ہے اور وہ اس کی تلافی کی مختلف تدبیریں سوچ رہے ہیں ۔
اس صورت حال میں بعض حضرات دریافت کر رہے ہیں کہ اگر محلے کی مسجد میں حافظ صاحب چند لوگوں کو مائک سے تراویح پڑھائیں تو کیا اطراف کے گھروں میں ، جہاں تک مائک کی آواز جائے، ان کی اقتدا کی جاسکتی ہے؟ یا کیا کوئی ایسی صورت جائز ہے کہ کیبل ٹی وی کی طرح مسجد سے آڈیو یا ویڈیو کی شکل میں امامِ مسجد کی تلاوت نشر کی جائے اور گھروں میں لوگ ان کی اقتدا میں تراویح پڑھ لیں ؟
یہی سوال نمازِ جمعہ کے بارے میں بھی ہے۔ کیا اسے آن لائن پڑھا جا سکتا ہے کہ امام صاحب چند لوگوں کے ساتھ مسجد میں پڑھائیں اور دوسرے لوگ اپنے گھروں میں رہتے ہوئے ان کی اقتدا کرلیں ۔

اعتکاف کے بارے میں انتشارِ فکر (Confusion) کا شکار ہوں ۔ بعض لوگ کہتے ہیں کہ اعتکاف ایک فضیلت والا عمل ہے ۔ اس کی فضیلت قرآن و حدیث سے ثابت ہے۔ اللہ کے رسول ﷺ نے ہمیشہ اعتکاف کیا ہے،جب کہ بعض دوسرے حضرات اس کی فضیلت کا انکار کرتے ہیں ۔ وہ کہتے ہیں کہ اعتکاف کی فضیلت کے بارے میں کوئی صحیح حدیث نہیں ہے۔ اسی طرح میں دیکھتا ہوں کہ اعتکاف کرنے والے بہت سے لوگ اعتکاف کے دوران میں اپنے بعض دفتری کام انجام دیتے ہیں ۔ وہ طالب علم ہیں تو کورس کی کتابیں پڑھتے ہیں ، ملٹی میڈیا والے موبائل بلاتکلف استعمال کرتے ہیں ۔ یہ کام مجھے اعتکاف کی روح کے خلاف معلوم ہوتے ہیں ۔
بہ راہ کرم اس کے بارے میں درست نقطۂ نظر کی وضاحت فرمادیجیے۔

لاک ڈاؤن میں بعض لوگ پنج وقتہ نمازیں اپنے گھروں پر پڑھ رہے ہیں ، بعض اپارٹمنٹ میں کسی خالی جگہ پر، بعض کسی احاطہ میں ۔رمضان کا آخری عشرہ شروع ہونے والا ہے۔ چنانچہ اب وہ سوال کر رہے ہیں کہ کیا گھر میں یا مذکورہ مقامات پر اعتکاف کیا جاسکتا ہے؟ براہ کرم رہ نمائی فرمائیں ۔

دقۂ فطر کی شرعی حیثیت کیا ہے؟ کیا اسے رمضان کی ابتدا میں نکالا جا سکتا ہے؟ صدقۂ فطر کیا اناج کی شکل میں ادا کرنا ضروری ہے، یا اس کی نقد ادائیگی بھی جائزہے؟

:ایک صاحب نے کہا کہ احادیث میں جمعہ کے دن روزہ رکھنے سے منع کیا گیا ہے۔ یہ بات سمجھ میں نہیں  آرہی ہے۔بہ راہ کرم وضاحت فرمادیں ، کیا یہ بات صحیح ہے؟ اگر ممانعت ثابت ہے تو اس کی حکمت پربھی کچھ روشنی ڈال دیں ۔

کیا شوال کے روزوں کی فضیلت صحیح احادیث سے ثابت ہے؟ اگر ہاں تو اس کا طریقہ کیا ہے؟ کیا انھیں عید کے بعد فوراً رکھنا ہے، یا کچھ وقفہ کرکے رکھے جا سکتے ہیں ۔ مسلسل رکھنے ہیں یا تسلسل ضروری نہیں ہے؟براہ کرم وضاحت فرمادیں ۔

میری خالہ اورخالو دونوں نے امسال حج کرنے کا پروگرام بنایاتھا۔ان کی منظوری بھی آگئی تھی، لیکن اچانک خالو کا انتقال ہوگیا۔ابھی خالہ عدت میں  ہیں ۔ کیا وہ حج کرنے کے لیے جاسکتی ہیں ؟

میں جدہ میں  رہتی ہوں ۔ میرے شوہر یہاں ملازمت کرتے ہیں ۔کچھ دنوں پہلے ہم نے عمرہ کیا۔ اب ہم چاہتے ہیں کہ امسال حج بھی کرلیں ۔لیکن یہاں بعض لوگوں نے اس سے منع کیا ۔ وہ کہتےہیں کہ مکہ مکرمہ سے قریب رہنے والے اگر عمرہ کرلیں توانہیں اس سال حج نہیں کرنا چاہیے۔ اس لیے کہ انہیں حج تمتع کرنے سے روکا گیا ہے۔کیا یہ بات صحیح ہے؟

میرا گھر مسجد سے متّصل ہے۔ مسجد میں مائک سے جمعہ کی نماز پڑھائی جاتی ہے تو اس کی آواز میرے گھر تک آتی ہے ۔ کیا میں اپنے گھر میں رہتے ہوئے مسجد کے امام کی اقتدا کرسکتا ہوں ؟