بدعمل امام کے پیچھے نماز

میں کشمیر کی جس بستی کا باشندہ ہوں اس کی آبادی تقریباً سات ہزار ہے۔اس بستی میں ایک مشہور بزرگ کا مزارہے اور کشمیری سنی مسلمانوں کا مرکز عقیدت ہے۔اس مزار کی پرستش کا بازار گرم ہے۔اس طرح اس بزرگ کے نام کو فروخت کیاجاتاہے کہ شاید ہی ہندوپاک میں کسی جگہ کسی بزرگ کے مزار کے ساتھ ایسا کیا جاتاہو۔اس بستی کے واعظ، امام، ریشی، مولوی سبھی اس میں شریک ہیں۔ ریشی اس گھر والے کو کہتے ہیں جہاں زائرین کے قیام وطعام کا انتظام ہوتاہے۔ یہ ریشی واعظ، امام اور خطیب طرح طرح کے باطل اعمال وافعال میں مبتلا ہیں۔  دل نہیں چاہتاکہ ایسے اماموں کے پیچھے نماز ادا کروں۔  یہی وجہ ہے کہ میں اکثر نماز گھر پر ہی پڑھتا ہوں، مگر ترک جماعت کی وعیدیں پڑھ کر اندیشہ بھی ہوتاہے۔ آپ یہ رہ نمائی کیجیے کہ میں کیا کروں ؟ میراگھرپر نماز ادا کرنا ٹھیک ہے یا غلط؟