تقسیم میراث کے بعض مسائل

 آپ کا سوال پڑھ کر احساس ہوا کہ وراثت کے مسئلہ سے مسلمان کتنے ناواقف ہیں۔ پہلے یہ سمجھ لیجیے کہ مورث کی وفات کے وقت اس کے شرعی وارث صرف یہ لوگ تھے۔ ماں، بیوی، بیٹے، بیٹیاں۔ ان کی موجودگی میں مورث کا کوئی دوسرا وارث نہیں ہے۔

ترکہ کی تقسیم اس طرح ہوگی کہ ماں کو چھٹا حصہ اور بیوی کو آٹھواں حصہ ملے گا۔ یہ دونوں حصے نکالنے کے بعد جو کچھ بچے گا اس میں بیٹوں میں سے ہر ایک کو دو حصہ اور بیٹیوں میں سے ہر ایک کو ایک حصہ ملے گا۔ مورث کی جوجائداد یا مال ہو اسی طرح تقسیم ہوگا۔            (اگست ۱۹۸۵ء ج۳ش۲)