یہ صحیح ہے کہ موجودہ حالات میں افراد اگر دوسرے ممالک سے تجارت کرنا چاہیں تو ان کے رستے میں کچھ نہ کچھ مشکلات ہیں ۔لیکن یہ مشکلات اسی وقت تک ہیں ،جس وقت تک ملک کی حکومت آپ کی پشت پناہی نہ کرے اور خود بھی اپنی خارجی تجارت میں سود سے بچنے کی جدوجہد نہ کرے۔لیکن اگر حکومت مختلف ممالک سے غیر سودی بنیادوں پر معاہدے کرنے کی کوشش کرے، اپنے ملک کے اندر بھی غیر سودی مالی نظام قائم کرے، اور بیرونی ممالک میں اپنے تاجروں کی ادائگیوں میں بھی مدد دے، تو تمام مشکلات کا حل بآسانی نکالا جاسکتا ہے۔ (ترجمان القرآن ، ستمبر ۱۹۵۴ء)