شادی بیاہ ،پیدائش اور موت کی تقریبات

موجودہ مسلمان شادی بیاہ، پیدائش اور موت کی تقریبات پر چھٹی، چلّہ، باجا، منگنی، جہیز اور اسی طرح چالیسواں ، قُل وغیرہ کی جو رسوم انجام دیتے ہیں ان کی حیثیت شریعت میں کیا ہے؟
جواب
یہ سب چیزیں وہ پھندے ہیں جو لوگوں نے اپنے گلے میں خود ڈال لیے ہیں ،ان میں پھنس کر ان کی زندگی اب تنگ ہوئی جارہی ہے، لیکن لوگ اپنی جہالت اور نادانی کی وجہ سے ان کو کسی طرح چھوڑنے پر آمادہ نہیں ہوتے۔اس کا علاج یہ نہیں ہے کہ براہِ راست ان رسموں کے خلاف کچھ کہاجائے،بلکہ صرف یہ ہے کہ لوگوں کو قرآن اورسنت کی طرف دعوت دی جائے۔ خدا اور رسولﷺ کے طریقے پر لوگ آجائیں تو بڑی خرابیاں بھی دور ہوں گی اور یہ چھوٹی چھوٹی خرابیاں بھی نہ رہیں گی۔ (ترجمان القرآن، جولائی،اگست ۱۹۴۳ء)

Leave a Comment